by ഈ കഴിഞ്ഞ ദിവസമാണ് നടൻ സുരേഷ് ഗോപിയെ സത്യജിത് റേ ഫിലിം ഇൻസ്റ്റിറ്റ്യൂട്ടിന്റെ ചെയർമാനായി നിയമിക്കാൻ കേന്ദ്രസർക്കാർ ഉത്തരവിറക്കിയത്. കേന്ദ്രമന്ത്രി അനുരാഗ് സിംഗ് താക്കൂർ ഔദോഗികമായി ഈ കാര്യം പ്രഖ്യാപിച്ചത്. എന്നാൽ സുരേഷ് ഗോപിക്ക് ഈ കാര്യത്തിൽ അതൃപ്തിയുണ്ടെന്ന് ചില വാർത്ത ചാനലുകൾ റിപ്പോർട്ട് ചെയ്തിരുന്നു. സുരേഷ് ഗോപി ഈ നിയമനത്തെ അനുകൂലിച്ചും ഒന്നും പറഞ്ഞിരുന്നില്ല.
ഇപ്പോഴിതാ താൻ ചെയർമാനായി ചുമതലയേൽക്കാൻ തയാറാണെന്ന് പറഞ്ഞുകൊണ്ട് തന്റെ ഫേസ്ബുക്കിൽ ഒരു കുറിപ്പ് പങ്കുവച്ചിരിക്കുകയാണ്. “ഇന്ത്യൻ പ്രധാനമന്ത്രി, ആഭ്യന്തര മന്ത്രി, എന്റെ സുഹൃത്തും ഇൻഫർമേഷൻ, ബ്രോഡ്കാസ്റ്റിംഗ് മന്ത്രിയുമായ ശ്രീ അനുരാഗ് സിംഗ് താക്കൂർ എന്നിവർക്ക് നന്ദി. കൊൽക്കത്തയിലെ സത്യജിത് റേ ഫിലിം ടെലിവിഷൻ ഇൻസ്റ്റിറ്റ്യൂട്ടിന്റെ ചെയർമാൻ സ്ഥാനത്തേക്കുള്ള ക്ഷണത്തിനും സ്ഥിരീകരണത്തിനുമുള്ള ആദ്യ കോൾ ഉണ്ടായിരുന്നു.
ഇത് 100 ശതമാനവും ലാഭത്തിന്റെ ഓഫീസല്ലെന്നും ശമ്പളമുള്ള ജോലിയല്ലെന്നും മുന്നണിയിൽ ഞാനുണ്ടെന്നും രാഷ്ട്രീയക്കാരന്റെ എല്ലാ സ്വാതന്ത്ര്യവും തുടർന്നും വഹിക്കുമെന്ന മന്ത്രിയുടെ ഉറപ്പോടെയാണ് ചുമതലയേൽക്കുന്നത്. അതിനാൽ കേന്ദ്ര ഇൻഫർമേഷൻ & ബ്രോഡ്കാസ്റ്റിംഗ് മന്ത്രാലയം നിർദ്ദേശിച്ച തീയതിയും സമയവും അനുസരിച്ച് ഞാൻ ചെയർമാനായി ചുമതലയേൽക്കും. എനിക്ക് എല്ലാ ആശംസകളും നേരൂ.
എനിക്കുവേണ്ടി പ്രാർത്ഥിക്കൂ, അതുവഴി ഇന്ത്യൻ സിനിമകളിലെ ലോകപ്രശസ്തനായ ഷേക്സ്പിയറുടെ പേരിന് ക്രിയേറ്റീവ് വശം ഞാൻ തിളക്കം നൽകും. ഇത് കാരണം കേരളത്തിലെ സാമ്പത്തിക ഞെരുക്കമുള്ള ജനങ്ങൾക്ക് അനുകൂലമായ ഗാന്ധിജയന്തി റാലിക്ക് ഒരു തടസ്സവും ഉണ്ടാകില്ല, പ്രതിഷേധ മാർച്ചിനൊപ്പം ഞാനും പോകും..”, ഇതായിരുന്നു സുരേഷ് ഗോപിയുടെ കുറിപ്പ്. തൃശ്ശൂരിൽ നിന്ന് താങ്കളെ മാറ്റി നിർത്താനുള്ള പരിപാടിയാണെന്ന് ചിലർ കമന്റ് ചെയ്തിട്ടുണ്ട്.
