by സിനിമയിൽ പിന്നണി ഗായികയായി പ്രവർത്തിച്ച് മലയാളികളുടെ മനസ്സിൽ സ്ഥാനം നേടിയ ഗായികയാണ് അഭയ ഹിരണ്മയി. വളരെ കുറച്ച് സിനിമകളിൽ മാത്രമേ അഭയ പാടിയിട്ടുള്ളുവെങ്കിലും വ്യത്യസ്തമായ ഒരു ശബ്ദത്തിന് ഉടമയായതുകൊണ്ട് തന്നെ അഭയയുടെ ഗാനങ്ങളെല്ലാം പ്രേക്ഷകർക്ക് ഏറെ ഇഷ്ടമാണ്. സമൂഹ മാധ്യമങ്ങളിൽ വളരെ സജീവമായി നിൽക്കുന്ന ഒരാളുകൂടിയാണ് അഭയ ഹിരണ്മയി എന്ന ഗായിക.
ഇപ്പോഴിതാ അനിയത്തി വരദ ജ്യോതിമയിക്ക് ജന്മദിനം ആശംസിച്ചുകൊണ്ട് ഒരു മനോഹരമായ കുറിപ്പ് പങ്കുവച്ചിരിക്കുകയാണ് അഭയ. “എന്റെ ഒരേയൊരു കുഞ്ഞിന് ജന്മദിനാശംസകൾ.. നീ എപ്പോഴും എന്റെ ആദ്യത്തെ ആളായിരിക്കും, ഞാൻ നിന്നെ എന്നേക്കും സ്നേഹിക്കുന്നു. കഴിഞ്ഞ 3 വർഷമായി ഞങ്ങൾ ഒരു കുടുംബമായി എങ്ങനെ അതിജീവിച്ചു എന്നതിന്റെ സമർപ്പണവും സാക്ഷ്യപത്രവുമാണ് ഈ റീൽ.
ഞങ്ങളുടെ ഏറ്റവും പ്രിയപ്പെട്ടവരെ നഷ്ടപ്പെട്ടപ്പോൾ ഞങ്ങൾ പരസ്പരം ആശ്വസിപ്പിച്ചു. നമ്മൾ ചാരത്തിൽ നിന്ന് ഉയിർത്തെഴുന്നേൽക്കുമെന്ന് ഞങ്ങളുടെ പിതാവിന് നന്നായി അറിയാം, അതിനാലാണ് അദ്ദേഹം നേരത്തെ പോയത്. ഒരു കുടുംബ സ്ത്രീയെന്ന നിലയിൽ നീ ഉയരത്തിൽ പറക്കുമെന്ന് എനിക്കറിയാം, നീ ജീവിതത്തിന്റെ ഒരു പുതിയ ഘട്ടത്തിലേക്ക് പ്രവേശിക്കുന്നതിന്റെ സന്തോഷത്തിലാണ് ഞാൻ.
ഇനി എന്ത് സംഭവിച്ചാലും നീ എപ്പോഴും മനസ്സിലാക്കണം, നിനക്ക് നിന്റെ അമ്മയുടെയും ചേച്ചിയുടെയും അടുത്തേക്ക് അങ്ങേയറ്റം സന്തോഷത്തോടെ ഓടിയെത്താം. അതാണ് എനിക്ക് നിന്നോട് നൽകാൻ കഴിയുന്ന ഒരേയൊരു വാഗ്ദാനം. കഠിനാധ്വാനം ചെയ്യുക, നിന്റെ സങ്കടവും സന്തോഷവും ആസ്വദിക്കുക, ജീവിക്കുക, സ്നേഹിക്കുക.. ഈ പറഞ്ഞതെല്ലാം കോമഡി, മര്യാദയ്ക്ക് എന്റെ സാരികളും വസ്ത്രങ്ങളും ഉടനടി തിരികെ തന്നോ പെണ്ണേ, ഓ എന്റെ ആഭരണങ്ങളും..”, അഭയ ഹിരണ്മയി കുറിച്ചു.
