by നടൻ കുഞ്ചാക്കോ ബോബന് എതിരെ അദ്ദേഹത്തിന്റെ പുതിയ ചിത്രമായ പദ്മിനിയുടെ നിർമ്മാതാവ് സുവിൻ കെ വർക്കി. രണ്ടര കോടി രൂപ പ്രതിഫലം വാങ്ങിയിട്ടും തന്റെ സിനിമയിലെ നായകനടൻ യാതൊരു വിധ പ്രൊമോഷൻ പരിപാടികളിലും പങ്കെടുക്കാതെ സുഹൃത്തുകൾക്ക് ഒപ്പം യൂറോപ്പിൽ കറക്കം ആണെന്നും ആയിരുന്നു നിർമ്മാതാവിന്റെ ആരോപണം. ഇത് കുഞ്ചാക്കോ ബോബനെ കുറിച്ചാണെന്ന് പോസ്റ്റിൽ തന്നെ വ്യക്തമാണ്.
“പദ്മിനിയെ നിങ്ങളുടെ ഹൃദയത്തിലേക്ക് ചേർത്തതിന് നന്ദി.. എല്ലാ പോസിറ്റീവ് പ്രതികരണങ്ങളും അവലോകനങ്ങളും കൊണ്ടും മനസ്സ് നിറഞ്ഞു. എങ്കിലും സിനിമയുടെ പ്രമോഷന്റെ കുറവിനെ കുറിച്ച് വന്ന ചോദ്യങ്ങൾക്ക് മറുപടി പറയേണ്ട കാര്യമുണ്ട്. വിതുമ്പാൻ തുടങ്ങും മുമ്പ് ഒരു കാര്യം വ്യക്തമാക്കാം, പദ്മിനി സിനിമ ഞങ്ങൾക്ക് ലാഭകരമാണ്. ബോക്സ് ഓഫീസിൽ എത്ര കിട്ടിയാലും ഞങ്ങൾക്ക് ലാഭമാണ്.
അതിന് കാരണമായി പിന്നിൽ പ്രവർത്തിച്ച കാര്യക്ഷമതയുള്ള പ്രൊഡക്ഷൻ ടീമിന് നന്ദി, സെന്നയ്ക്കും ശ്രീരാജിനും ഏഴ് ദിവസം മുമ്പ് സിനിമ പൂർത്തിയാക്കിയ മുഴുവൻ അണിയറ പ്രവർത്തകർക്കും ഒരു ബിഗ് ഷൗട്ടും. എങ്കിലും ഒരു സിനിമ മേക്കർ എന്ന നിലയിൽ തീയേറ്റർ പ്രതികരണമാണ് പ്രധാനം. തിയേറ്ററിലേക്ക് ആളുകൾ എത്താൻ അതിലെ നായകനടന്റെ താരപരിവേഷത്തിന്റെ ചാരുത ആവശ്യമുണ്ടായിരുന്നു.
പദ്മിനിയുടെ കാര്യം എടുക്കുകായാണെങ്കിൽ അതിലെ നായകനടൻ പൂജ്യം ടിവി പ്രോഗ്രാമുകളിൽ/പ്രമോഷനുകളിലാണ് പങ്കെടുത്തത്. ഈ പറഞ്ഞ നടന്റെ ഭാര്യ നിയമിച്ച മാർക്കറ്റിംഗ് കൺസൾട്ടന്റ് സിനിമയുടെ റോ ഫൂട്ടേജ് കണ്ട് വിധി പറഞ്ഞതിനാലാണ് പ്രൊമോഷൻ പരിപാടികൾ എല്ലാം നിരസിക്കപ്പെട്ടത്. അദ്ദേഹത്തിന്റെ സിനിമകളുടെ അവസാന 2-3 നിർമ്മാതാക്കൾക്ക് സംഭവിച്ച അതേ ഷിറ്റാണ് എനിക്കും സംഭവിച്ചത്.
അതുകൊണ്ട് ആരെങ്കിലും സംസാരിക്കണം, അതിനാൽ ഞങ്ങൾ ചെയ്യുന്നു. ഈ നടൻ സഹനിർമ്മാതാവായ ഒരു സിനിമയ്ക്ക് ഇത് സംഭവിക്കില്ല. അപ്പോൾ അദ്ദേഹം എല്ലാം അഭിമുഖങ്ങളിലും ഇരിക്കും, എല്ലാ ടിവി ഷോകളിലും അതിഥിയായിരിക്കും. പുറത്തുനിന്നുള്ള നിർമ്മാതാവ് ആണെങ്കിൽ അദ്ദേഹം ഇത് ചെയ്യില്ല. കാരണം 25 ദിവസത്തെ ഷൂട്ടിങ്ങിന് 2.5 കോടി വാങ്ങി സിനിമയുടെ പ്രമോഷനെക്കാൾ രസകരമാണ് യൂറോപ്പിൽ സുഹൃത്തുക്കളോടൊപ്പം കുളിരുകോരുന്നത്.
സിനിമകൾക്ക് വേണ്ടത്ര റൺ കിട്ടാത്തതിൽ വിതരണക്കാർ പ്രതിഷേധിക്കുന്ന ഒരു സംസ്ഥാനത്ത്, എന്തുകൊണ്ട് സിനിമകൾക്ക് ശരിയായ അംഗീകാരം ലഭിക്കുന്നില്ല എന്നത് പ്രധാനമാണ്. അഭിനേതാക്കൾക്ക് അവർ ഉൾപ്പെടുന്ന പ്രോഡക്ട് മാർക്കറ്റ് ചെയ്യാനുള്ള ഉത്തരവാദിത്വമുണ്ട്. ഒരു വർഷം 200-ൽ അധികം സിനിമ ഇറങ്ങുമ്പോൾ നിങ്ങളുടെ സിനിമ കാണാൻ പ്രേക്ഷകർ ആകർഷികേണ്ടതുണ്ട്. നിങ്ങളുടെ നിലനിൽപ്പ് പ്രേക്ഷകരുടെ വിധിയുടെ അടിസ്ഥാനത്തിലാണ്.
കാഴ്ചക്കാരെ നിസ്സാരമായി കാണരുത്. എല്ലാത്തിനും ഉപരി, ഉള്ളടക്കം എല്ലായിപ്പോഴും വിജയിക്കുന്നു എന്നതാണ് സിനിമയുടെ മാന്ത്രികത. നടന് അനുകൂലമായി പ്രൊഡ്യൂസർ അസോസിയേഷനിൽ പോരാടിയ പ്രൊഡ്യൂസർ ഫ്രണ്ട്സിന് പ്രതേക നന്ദി അറിയിക്കുന്നു..”, സുവിൻ തന്റെ സോഷ്യൽ മീഡിയയിൽ കുറിച്ചു. കുഞ്ചാക്കോ ബോബൻ ഇത്രകാരനായിരുന്നോ എന്നാണ് പലരും പോസ്റ്റ് കണ്ടിട്ട് ചോദിച്ചു പോകുന്നത്. രണ്ടര കോടി കൊടുക്കാനും മാത്രമുള്ള മാർക്കറ്റും താരത്തിനുണ്ടോ എന്നും ചിലർ ചോദിക്കുന്നുണ്ട്.
