‘ബാലയ്യയുടെ കാല് തൊട്ട് അനുഗ്രഹം വാങ്ങി ഹണി റോസ്, പകരം ചെയ്തത് കണ്ടോ..’ –  വീഡിയോ വൈറൽ

‘ബാലയ്യയുടെ കാല് തൊട്ട് അനുഗ്രഹം വാങ്ങി ഹണി റോസ്, പകരം ചെയ്തത് കണ്ടോ..’ – വീഡിയോ വൈറൽ

എട്ട് വർഷങ്ങൾക്ക് ശേഷം ഹണി റോസ് വീണ്ടും തെലുങ്കിൽ അഭിനയിച്ച ചിത്രമായിരുന്നു നന്ദമൂരി ബാലകൃഷ്ണ നായകനായി എത്തിയ വീര സിംഹ റെഡഢി. ജനുവരി 12-ന് തിയേറ്ററുകളിൽ റിലീസ് ചെയ്ത ചിത്രം ഇതിനോടകം 150 കോടിക്ക് അടുത്ത് കളക്ഷൻ നേടി കഴിഞ്ഞു. ബാലകൃഷ്ണയുടെ ഒരു മാസ്സ് മസാല ചിത്രമാണ് വീര സിംഹ റെഡഢി. ശ്രുതി ഹാസനായിരുന്നു സിനിമയിൽ നായികയായി അഭിനയിച്ചത്.

മലയാളികൾക്ക് അഭിമാനിക്കാനും ചില കാരണങ്ങളുണ്ടായിരുന്നു. ഹണി റോസിന് പുറമെ ലാലും ചിത്രത്തിൽ അഭിനയിച്ചിട്ടുണ്ടായിരുന്നു. ബാലകൃഷ്ണയുടെ ബോക്സ് ഓഫീസ് പവർ എന്താണെന്ന് ഒരിക്കൽ കൂടി അദ്ദേഹം തെളിയിച്ചപ്പോൾ, എട്ട് വർഷങ്ങൾക്ക് ശേഷം ഹണി അഭിനയിച്ച ചിത്രം അവിടെ വലിയ ഹിറ്റായതോടെ ഇരട്ടി സന്തോഷത്തിലാണ് താരം. മീനാക്ഷി എന്ന റോളിലാണ് ഹണി സിനിമയിൽ അഭിനയിച്ചത്.

സിനിമയുടെ മഹാവിജയം ആഘോഷിക്കുകയാണ് അണിയറ പ്രവർത്തകർ. ചിത്രത്തിന്റെ വിജയാഘോഷത്തിൽ പങ്കെടുക്കാൻ എത്തിയപ്പോഴുള്ള ഹണി റോസിന്റെ ചിത്രങ്ങളും വീഡിയോസും സമൂഹ മാധ്യമങ്ങളിൽ വൈറലായി കൊണ്ടിരിക്കുകയാണ്. ഹണി റോസിന് മൊമെന്റോ സമ്മാനിച്ചത് ബാലകൃഷ്ണയായിരുന്നു. മൊമെന്റോ ഏറ്റുവാങ്ങുന്നതിന് മുമ്പ് ഹണി റോസ് അദ്ദേഹത്തിന്റെ കാല് തൊട്ട് അനുഗ്രഹം വാങ്ങിയിരുന്നു.

പിന്നാലെ ബാലകൃഷ്ണ ഹണി റോസിനെ ആലിംഗനം ചെയ്‌ത്‌ കവിളിൽ മുത്തം നൽകുകയും ചെയ്തിരുന്നു. ഈ വീഡിയോയാണ് സമൂഹ മാധ്യമങ്ങളിൽ വൈറലായി കൊണ്ടിരിക്കുന്നത്. ഹോളിവുഡിലും, ബോളിവുഡിലുമൊക്കെ ഇതുപോലെ താരങ്ങൾ ചെയ്യാറുള്ളത് പതിവ് കാഴ്ചയാണ്. തെന്നിന്ത്യയിൽ ഇങ്ങനെ അധികം കാണാറില്ല. ഇത് പാശ്ചാത്യ സംസ്കാരമാണെന്ന് ചൂണ്ടിക്കാണിച്ച് ബാലകൃഷ്ണയെ ചിലർ വിമർശിച്ചു. നീല നിറത്തിലെ ഔട്ട്.ഫിറ്റ് ധരിച്ച് അതിസുന്ദരിയായിട്ടാണ് ഹണി ചടങ്ങിന് എത്തിയത്.

CATEGORIES
TAGS