by കുട്ടികൾ ഇല്ലായെന്നുള്ള സ്ഥിരമായ ആളുകളുടെ ചോദ്യത്തിന് മറുപടി പറഞ്ഞ് ഗായകൻ വിധു പ്രതാപും ഭാര്യ ദീപ്തിയും. ഒരു ചാനലിന് നൽകിയ അഭിമുഖത്തിലാണ് ദീപ്തിയും വിധുവും മനസ്സ് തുറന്നത്. വിവാഹം കഴിഞ്ഞ് പതിനഞ്ച് വർഷമായിട്ടും കുട്ടികൾ ഇല്ലാത്തത് എന്തുകൊണ്ടാണെന്ന് സ്ഥിരം ചോദ്യങ്ങൾ വരാറുണ്ടെന്നും അതിന്റെ കാരണം എന്ത് തന്നെയായാലും അത് ഭാര്യയിലും ഭർത്താവിലും മാത്രം ഒതുങ്ങി നിൽക്കേണ്ട ഒരു ചോദ്യം ആണെന്നും അവർ രണ്ടുപേരും പറഞ്ഞു. ചോദ്യങ്ങൾക്ക് ബൗണ്ടറി വേണമെന്നും അവർ പ്രതികരിച്ചു.
“കുട്ടികൾ ഇല്ല എന്നുള്ളത് ഞങ്ങളെ സംബന്ധിച്ച് ഒരു പ്രഷർ അല്ല.. ചില സമയത്ത് ഞങ്ങൾക്ക് തോന്നാറുണ്ട്, ഇത് ഞങ്ങളെക്കാൾ കൂടുതൽ പ്രഷർ ഉള്ളത് ഞങ്ങൾക്ക് പുറത്തുനിൽക്കുന്നവർക്കാണ്. ഒരു പരിചയവുമില്ലാത്ത ആൾക്കാർക്ക് വരെ ഇത് ഭയങ്കര പ്രഷറായിട്ട് തോന്നാറുണ്ട്. ചിലപ്പോൾ നമ്മൾ ഒരു ഷോയ്ക്ക് പോകുമ്പോഴായിരിക്കാം, അതിന്റെ ഓർഗനൈസർ വൈഫ് വന്നില്ലേ എന്ന് ചോദിക്കും. വന്നില്ലെന്ന് പറയുമ്പോൾ മക്കളുടെ കാര്യം ചോദിക്കും.. മക്കൾ ഇല്ലെന്ന് പറഞ്ഞാൽ, കല്യാണം കഴിച്ചിട്ട് എത്ര നാളായി എന്ന് ചോദിക്കും.
പതിനഞ്ച് വർഷമായി എന്ന് പറയുമ്പോൾ പുള്ളി പിന്നെ ചിന്തിക്കുകയാണ്.. നമ്മുക്ക് കാണുമ്പോഴേ അത് ഫീൽ ചെയ്യും. പുള്ളി പിന്നെ പറയുന്നത്, നമ്മുടെ പരിചയത്തിൽ ഒരു ഡോക്ടറുണ്ട് എന്നായിരിക്കും! എന്റെ പ്രോബ്ലം എന്താണ്, നമുക്ക് കുട്ടികളെ വേണ്ടേ വേണോ എന്നൊന്നും ചോദിക്കേണ്ട കാര്യമില്ല. സൊസൈറ്റിയിൽ ഇപ്പോൾ കല്യാണം കഴിച്ചിട്ട് മകൾ വേണ്ട എന്ന് പറഞ്ഞ് ജീവിക്കുന്നവരുണ്ട്.. കരിയർ വൈസ് ഇത്രയുമായിട്ട് മതി, ഒരുപാട് ട്രൈ ചെയ്തിട്ട് കുഞ്ഞുങ്ങൾ ഉണ്ടാക്കാത്തവർ ഉണ്ടാകാം..
ഒരു കല്യാണത്തിൽ ഭാര്യയുടെ ഭർത്താവിന്റെ ഇടയിൽ മാത്രം നിൽക്കേണ്ട ഒരു കാര്യമാണ് കുട്ടികൾ എന്നുള്ളത്. കുട്ടികൾ വേണോ വേണ്ടയോ എന്ന് പുറത്തുനിന്ന് ഒരാൾ ചോദിച്ചറിയേണ്ട കാര്യമല്ല. വളരെ ജനുവിനായിട്ട് കോൺസെണായിട്ട് സംസാരിക്കുന്നവരുമുണ്ട്. ഇവർക്ക് എത്രയും പെട്ടന്ന് ഒരു കുഞ്ഞിക്കാൽ കാണാൻ അനുഗ്രഹം ഉണ്ടാവട്ടെ എന്നൊക്കെ ചില കമന്റുകൾ വരാറുണ്ട്. അതുപോലെ തന്നെ കുട്ടികൾ ഇല്ല എന്ന് അറിഞ്ഞിട്ടും കുട്ടികൾ ഇല്ലേ എന്ന് ചോദിക്കുന്നവരുമുണ്ട്.
നമ്മുക്ക് കുട്ടികൾ ഇല്ല എന്ന് പറഞ്ഞു കഴിഞ്ഞാൽ, അതെന്താ എന്ന് ചോദിക്കേണ്ട കാര്യമില്ല. അതൊരു ബൗണ്ടറിയാണ്. അതിന് അപ്പുറത്തേക്ക് ചോദ്യങ്ങൾ ചോദിക്കാൻ പാടില്ല. ഇത് പറയുമ്പോഴും പറയണമല്ലോ.. കുറെ നാളുകൾക്ക് ശേഷം ഞാൻ എന്റെയൊരു ഫ്രണ്ടിനെ മീറ്റ് ചെയ്യാൻ പോയി. ഞങ്ങൾ രണ്ടും ഒരു കഫേയിൽ ഇരിക്കുകയാണ്. ഒരു അമ്മയും അച്ഛനും മകളും അപ്പുറത്തെ ടേബിളിൽ വന്നിരുന്നു. അവർ അടുത്ത് വന്നു പരിചയപ്പെട്ടു. ഈ അച്ഛനും അമ്മയും വന്നേക്കുന്നത് മകളുടെ പ്രസവത്തിന് വേണ്ടിയാണ്.
എന്നെ പരിചയപ്പെട്ടിട്ട് പോയിട്ട്, അതിൽ ആ അമ്മ എന്റെ അടുത്തേക്ക് തിരിച്ചുവന്നു. എന്റെ കൈയിൽ പിടിച്ചിട്ട് പറഞ്ഞു, മോൾക്ക് എത്രയും വേഗം ഒരു കുഞ്ഞുണ്ടാകാം അമ്മ പ്രാർത്ഥിക്കാം.. മകളെ ചൂണ്ടിക്കാണിച്ചുകൊണ്ട് അവൾക്കും ഒരുപാട് വർഷമായി കുഞ്ഞുങ്ങൾ ഉണ്ടായിരുന്നില്ല, അമ്പലത്തിലൊക്കെ പോയിട്ടാണെന്ന് കുറെ ഉപദേശങ്ങളൊക്കെ ആ അമ്മ തന്നു. എന്നിട്ട് ആ അമ്മ കരയാൻ തുടങ്ങി, അത് സ്നേഹംകൊണ്ട് ഉണ്ടായതാണെന്ന് നമ്മുക്ക് കണ്ടാൽ അറിയാം.
ഒരു അപരിചിതയാണെങ്കിൽ കൂടിയും നമ്മുക്ക് അത് മനസ്സിലാവും. കാരണം അവർ അത് അനുഭവിച്ചിട്ടുണ്ടാകാം.. ഞാൻ എല്ലാവരോടുമായിട്ട് പറയാം, കുട്ടികൾ ഇല്ലാതെ പോയ ദമ്പതികൾ ദൈവം അനുഗ്രഹിക്കാതെ പോയവരോ, സങ്കടപ്പെട്ട് ഇരിക്കുന്നവരോ ഒന്നുമല്ല. അത് അവരുടെ സ്വന്തം തീരുമാനമാകാം.. എന്തുമാകാം! അത് എന്ത് തന്നെയും ആയിക്കോട്ടെ.. നമ്മൾ അത് അറിയേണ്ട കാര്യമില്ല.. ഇപ്പോഴത്തെ ജനറേഷനിലെ പിള്ളേരൊന്നും അങ്ങനത്തെ ചോദ്യങ്ങൾ ഒന്നും ചോദിക്കാറില്ല..”, വിധുവും ദീപ്തിയും പറഞ്ഞു.